Dansnámskeið og Fræðsla

 

Dans fyrir alla í Grunnskólum

Dans fyrir alla bíður upp á danskennslu og dansfræðslu í grunnskólum. Fræðsluverkefnið okkar hefur þróast með árunum og hafa skólar á höfuðborgarsvæðinu og á landsbyggðinni tekið þátt í því og einnig hafa nemendur komið í heimsókn til okkar í dansstúdíóið á Grensásvegi. Áherslan er á skapandi aðferðir og að nemendur rannsaki dansformið frá eigin sjónarhorni og fái að vera virkir og meðvitaðir þátttakendur í þróun listformsins.

Fyrir tímabilið 2019-2021 hefur Dans fyrir alla hlotið styrk frá Barnamenningarsjóði og skóla- og frístundasvið Reykjavíkurborgar til að halda fræðslu fyrir 6. bekkinga á höfuðborgarsvæðinu í samstarfi við Íslenska Dansflokknum. Nemendum verður boðið upp á þriggja daga dansdagskrá yfir veturinn, einn morgun í dansstúdíói þar sem þau fá dans og danssmíði kennslu, einn fræðslutíma um sviðslistir í skólanum og boð á sýningu hjá Íslenska Dansflokkinn. Skráning fyrir fræðsludagana verður í september en hægt er að fá frekari upplýsingar um verkefnið á dansgardurinn@gmail.com.

 
DFA grunnskólar

DFA grunnskólar

 

Dans fyrir alla í Leikskólum

Dansgarðurinn býður upp á skapandi og skemmtilegar danssmiðjur fyrir leikskólabörn.

Kennslustundin hefur sérstakt dansþema (þyngd, hraða, stefnu, líkamshluta), er 30 - 60 mín og skiptist í fimm hluta (upphitun, könnun á þema, tækni, sköpun, slökun). Það eru tveir danskennarar í hverri kennslustund og kennsluáætlunin eru unnin af Guðrúnu Óskarsdóttur en hún byggir tímana á hugmyndafræði Anne Green Gilbert sem hefur verið áhrifavaldur í danskennslu í skólum í Bandaríkjunum. Dans er einstök tjáning og hefur m.a. jákvæð áhrif á hreyfifærni, félagsfærni, tilfinningaþroska, sköpun, máltöku og byggir upp sjálfstraust.

Veturinn 2017-2018 bauð Dans fyrir alla upp á danskennslu í fjórum leikskólum í samstarfi við Skóla- og frístundasvið Reykjavíkurborgar.

Fyrir frekari upplýsingar um danskennslu í leikskóla, endilega hafið samband: dansgardurinn@gmail.com

DFA leikskólar

DFA leikskólar


Dans fyrir alla með Hælisleitendum

Dansgarðurinn hefur boðið upp á námskeið fyrir hælisleitendur í samstarfi við Velferðarsvið Reykjavíkurborgar og þjónustuteymi umsækjenda um alþjóðlega vernd. Tvö námskeið hafa verið haldin og áhersla lögð á jákvæð áhrif hreyfingarinnar og að njóta þess að vera og dansa saman. Í öðrum námskeiðum, sköpuðu þátttakendurnir dansstuttmynd sem var sýnd á Listahátíð í Reykjavík og verður sýnd á RÚV næsta vetur.

 
Senlime

Senlime

 

Viðburðir

Dans fyrir alla stendur einnig að dansviðburðum þar sem áhersla er lögð á að kynna dans fyrir almenningi og gefa ungum dansara athygli og pláss til að sýna. Í haust mun Dans fyrir alla standa fyrir hátíðinni Mjóddamamma þar sem dansinn mun yfirtaka verslunarmiðstöðina í nokkrar klukkustundir. Vegfarendur á leiðinni í Nettó geta þá tekið nokkur dansspor eða horft á dansstuttmyndir með croissant og kaffi frá bakaríinu í hendi.

Dans fyrir alla tók einnig þátt í dansdagskrá Banamenningarhátíðar í Reykjavík þar sem fjölskyldum var boðið upp á að taka þátt í snerti-spuna, skapandi dansnámskeiði, horfa á dansbrot eftir unga dansara, dansstuttmyndir og taka nokkur spor í Danceoke.

 
Mjóddamamma

Mjóddamamma