Starfsfólk Dansgarðsins

Bakgrunnur Alejandra er í tónlist og leikhúsi og hún er líka menntaður kennari í tónlistar- og hreyfifræðslu. Sem kennari og rannsakandi hefur hún sérhæft sig í rödd og hreyfingu með sómatískri nálgun sem leitar að jafnvægi í líkamanum og stefna að heilindum mannlegrar tjáningar.

Árið 2017 stofnaði hún Sila II Act, fyrirtæki sem veitir skapandi vinnustofur og listrænar rannsóknir. Í gegnum Sila II Act I hefur hún ekki aðseins þróað sína eigin fræðsluaðferð sem dreifist víða áhorfendur, allt frá áhugamönnum til atvinnumanna en hefur einnig leitt námskeið í fjölbreyttum löndum eins og, Austurríki, Grænland, Bandaríkin, Ísland og Svíþjóð. Frá 2017 – 2019 starfaði ég sem kennari í tónlist og hreyfingu Rhythmical Education við Listaháskóla Íslands. Verkefni hennar fól í sér að leggja lokahönd á námskrá fyrir BA-nema.

​

Með listaferli sínum hefur hún skapað, framleitt og leikið í sínum eigin sýningum í sjálfstæðum leikhúsum og leiksviðum eins og Lalish TheatreLabor, AlteSchmiede, Interkulturelles Theatre og MuThtheater í Vín í Austurríki; Tjarnarbíó, Gamblabíó, Gallerí Kjarvalstaðir, Listaháskóli Íslands í Reykjavík.

Eftir að hún varð móðir hefur hún snúið aftur til áhugamannanáms, kennslu dans og rödd. Á síðasta ári hefur hún einnig tekið við stöðu hjá leikskólakennsla Music & Movement (Eurhythmics) fyrir ung börn aldrinum 18 mánaða - 5 ára.

Alma Kristín hóf balletnám sitt í Klassíska listdansskólanum, árið 2000, þá fjögurra ára gömul. Hún útskrifaðist af framhaldsbraut skólans árið 2012. Árið 2016 var danshópurinn FWD Youth Company stofnaður og var Alma Kristín meðlimur í þeim hópi þar til árið 2021. Hún hefur einnig sótt sumarnámskeið erlendis, bæði í Kaupmannahöfn og London. Alma Kristín hefur kennt klassískan ballet við skólann síðan árið 2015. Hún er menntaður hjúkrunarfræðingur og hefur starfað á hjartadeild Landspítalans. Nú stundar hún ljósmóðurfræði við Háskóla Íslands.

Amanda Líf hefur kennt nemendum á öllum aldri frá 3 til 19 ára samtímadans, skapandi dans og ballett síðan hún var 17 ára. Hún hefur mest kennt í Dansgarðinum, Óskanda og Klassíska listdansskólanum en einnig hefur hún kennt við Danslistarskóla JSB, Ballettskóla Eddu Scheving og Mýrarhúsaskóla/Valhúsaskóla.

Amanda útskrifaðist af listdansbraut Danslistarskóla JSB árið 2018 og af samtímadansbraut Listaháskóla Íslands árið 2021.

Amanda hefur alla tíð elskað hreyfingu og list svo dansinn hefur verið fullkomin blanda af þessu tvennu, hún elskar að vinna með börnum og unglingum og hefur mikinn áhuga á samskiptunum sem fara þar fram. Hún hefur meðal annars unnið sem dansari í Joensuu Finnlandi og lengi vel vann hún á leikskóla.

Andrea Urður hóf balletnám sitt við Balletskóla Sigríðar Ármann þegar hún var fjögurra ára gömul. 9 ára færði hún sig yfir í Listdansskóla Íslands og hefur dansað með FWD Youth Company frá árinu 2017. Andrea byrjaði að kenna ballet árið 2014 í Klifinu sem er skapandi setur fyrir ýmis listnámskeið, þar kenndi hún nemendum á aldrinum 3-7 ára. Sumarið 2016 skipulagði Andrea og stjórnaði skapandi námskeiði fyrir börn á aldrinum 5- 12 ára þar sem lögð var mikil áhersla á skapandi dans ásamt öðrum listgreinum. Haustið 2019 byrjaði Andrea að kenna í forskólanum hjá Ballettskóla Guðbjargar Björgvins, núna Óskandi, og í grunnnáminu hjá Klassíska listdansskólanum. Andrea Urður er einnig nemi í lögfræði við Háskóla Íslands.

Asako stundaði ballettnám í Japan þar sem hún ólst upp. Þaðan lá leiðin til Bandaríkjanna þar sem hún lauk B.F.A. prófi í listdansi árið 1991 frá Shenandoah University í Virginíu. Að loknu námi dansaði hún með Dayton Contemporary Dance Company dansflokknum í Ohio í Bandaríkjunum. 

Asako flutti til Íslands árið 1993 og stofnaði Ballettskóla á Akureyri sem hún rak um sjö ára skeið. Hún hefur kennt einnig á píanó við Tónlistarskóla Eyjafjarðar. 

Eftir hún flutti suður, hefur hún kennt listdans við Listdansskóla Íslands, Listdansskóla Hafnarfjarðar og Óskanda og tónlist og hreyfingu í Leikskóla Fögrubrekku í Kópavogi. 

Vorið 2008 lauk hún kennsluréttindanámi við Kennaraháskóla Íslands og er með framhaldsskólakennararéttindi í listdansi. Vorið 2021, lauk hún meistaranámi í listkennslu við Listaháskóla Íslands.

Auður er danskennari og danshöfundur að mennt. Hún hóf dansnám ung að aldri í klassískum ballett og djassballett. Hún flutti til Íslands 2002 og hóf þá dansnám í Klassíska listdansskólanum. Auður lauk framhaldsbraut Klassíska listdansskólans í nútímadansi 2009. Þaðan fór hún í B.F.A. nám í danssmíði hjá Concordia Háskóla í Montréal í Kanada og síðar lauk hún M.Art.Ed. gráðu í sviðslistakennslu hjá Listaháskóla Íslands. Auður hefur stýrt ýmsum sjálfstæðum verkefnum bæði hérlendis og erlendis. M.a. hélt hún utan um ungmennaskipti styrkt af Erasmus+ fyrir nemendur í Klassíska listdansskólanum þar sem farið var til Portúgal og sett upp sýning í samstarfi við tónlistarskóla þar. Auður elskar dans í öllum sínum birtingarmyndum og hefur einnig lagt stund á loftfimleika, súlufimi og hip hop á síðustu árum.

Bjartey er dansari og danskennari. Hún útskrifaðist af dansbraut
Listaháskóla Íslands vorið 2021. Fyrir það æfði hún ballet og
nútímadans í Klassíska Listansskólanum frá 4 ára aldri. Bjartey hefur
verið danskennari í 4 ár og kennt börnum og unglingum á öllum aldri.
Meðfram því hefur hún unnið sem atvinnudansari bæði hérlendis og
erlendis.

...

Eydís Rose Vilmundardóttir er sjálfstætt starfandi dansari og listamaður. Hún útskrifaðist með BA gráðu í samtímadansi frá Listaháskóla Íslands árið 2016. Hún tók sér árspásu frá náminu á Íslandi til að stunda dansleikhúsnám í Englandi 2014-2015 undir stjórn Jasmin Vardimon Company. Hún hefur fengið þann heiður að vinna með listamönnum á borð við Jasmin Vardimon, Athanasia Kanellopoulou, Marilena Dara, Mafalda Deville, Sögu Sigurðardóttur og Lucie Vigneault.

Guðrún Svava Kristinsdóttir er útskrifaður dansari og danskennari frá Martha Graham School of Contemporary Dance í New York borg, hún er einn af fáum kennurum með þessa menntun í Evrópu. Guðrún Svava var einnig dansari hjá Graham II, nemendadansflokki Mörtu Graham Dansflokksins sem hún stundaði einnig þjálfun hjá.Guðrún Svava er einnig jógakennari og Pilates kennari og leggur sérstaka áherslu á góða og rétta líkamsbeitingu út frá líkamsbygging hvers og eins, en hún hefur sótt fjölmörg námskeið í því hvernig megi koma í veg fyrir og endurhæfa meiðsli með dansara í huga. Guðrún Svava hefur undanfarin ár kennt og byggt upp eigin námskeið við Listaháskóla Íslands í leiklistardeild, dansdeild og tónlistardeild, og bjó til sérstakt námskeið í anatómíu fyrir dansara sem hún hefur kennt fyrir alla árganga síðan 2013.Guðrún Svava er einnig verkfræðingur að mennt og útskrifaðist nýlega frá Cornell háskólanum í New York með tvöfalt MS í upplýsingafræði og upplýsingafræði. Systems.Vegna fjölbreyttrar reynslu sinnar í tækni- og listageiranum leggur hún mikið upp úr námskeiðum sínum svo hver einstaklingur fái að njóta sín andlega, líkamlega og vitsmunalega. Guðrún Svava leggur mikið upp úr tækniþróun dansara og notar áralanga reynslu frá New York í þessu samhengi. Hún leggur einnig áherslu á takt og tónlistarnæmni nemenda sinna í bland við flutning og leikræna tjáningu danssins.

Hrund Elíasdóttir hefur starfað hjá Klassíska Listdansskólanum frá árinu 2013. Hún kennir ballett og hefur kennt öllum aldurshópum. Hrund hóf ballettnám 5 ára gömul hjá Ballettskóla Eddu Scheving og flutti sig yfir í Klassíska Listdansskólann 16 ára gömul, en hún útskrifaðist þaðan af Listdansbraut árið 2010. Einnig stundaði hún nám við l‘Académie Américaine de Danse de Paris í Frakklandi. Samhliða kennslunni er hún með BA gráðu í bókmenntafræði og frönsku frá Háskóla Íslands. Hún sótti ballettkennara námskeið hjá Central Pennsylvania Youth Ballet sumarið 2017 og var hluti af FWD youth company veturinn 2017-18.

...

Katie Hitchcock er sjálfstætt starfandi dansari, upprunalega frá Kaliforníu í Bandaríkjunum. Hún lærði nútímadanstækni í Orange Coast College og dans, leikhús og sviðsframkomu í Berkley, háskólanum í Kaliforníu. Katie flutti til Íslands 2017 og var fljót að tengjast danslífinu á Íslandi með því að dansa með ungmennadansflokknum Forward 2018-2022.

Í ár hefur hún kennt ballett fyrir börn og fullorðna í Óskanda og er að þróa þriðja hlutann í röð sólóverka „Disposable dances“ sem hún hefur samið.

Sara Margrét útskrifaðist með BA gráðu í samtímadansi frá Listaháskóla Íslands árið 2016. Eftir útskrift hefur hún unnið að ýmsum verkefnum með fjölbreyttum hópi listamanna í sjálfstæðu danssenunni á Íslandi og í Danmörku, bæði sem flytjandi og höfundur. Samhliða þessu hefur Sara kennt börnum og unglingum ballet, nútímadans og skapandi dans.

Sara Katrín er fædd og uppalin í Reykjavík og byrjaði 5 ára gömul í ballet hjá Eddu Scheving. Seinna færði hún sig yfir í fimleika og æfði þá með fimleikafélagi Gerplu í nokkur ár. Á unglingsaldri snéri hún sér aftur að ballett hjá Klassíska listdansskólanum og útskrifaðist þaðan árið 2011 af nútímabraut. Sara Katrín kennir 3 til 7 ára börnum ballet og samtímadans hjá Klassíska listdansskólanum og hefur gert síðan árið 2014. Einnig kenndi hún samtímadans í leikskólum árið 2018 í gegnum Dansgarðinn. Árið 2015 vann hún hjá Hreyfingu í 2 ár sem hópatímakennari og kenndi þar hópatíma allt frá Zumba yfir í styrktar- og þrektíma. Á svipuðum tíma öðlaðist hún einnig Zumba og Zumba-kids réttindi. Árið 2017 lauk hún B.Sc gráðu í íþróttafræði frá Háskólanum í Reykjavík og starfar nú sem íþrótta- og heilsufræðingur í Heilsuborg. Að auki æfir Sara Katrín Crossfit og langhlaup og stefnir á að hlaupa Laugaveginn 2019 (ofur maraþon - 55 km.) annað árið í röð ásamt því að stefna á burtfarapróf í píanóleik við fyrsta tækifæri.

Sóley Frostadóttir starfar sem danshöfundur, kennari og ritstjóri. Hún útskrifaðist með BA gráðu í samtímadansi frá Listaháskóla Íslands 2017. Í MA námi sínu í ritstjórn og útgáfu lagði hún áherslu á listtímarit, listaverkabækur og bókverk. Hún er ritstjóri tímaritsins Dunce, sem fjallar um kóreografíu og gjörningalist. Hún lauk MFA námi í sviðslistum við Listaháskóla Íslands 2022. Sóley vinnur þvert á miðla og hefur sýnt verk sín m.a á Reykjavík Dance Festival í Mengi, á Barnamenningarhátíð, Plöntutíð, í Midpunkt, Gerðarsafni, Listasafni Reykjavíkur og í Ásmundarsal. 

Sóley Ólafsdóttir kennir nútímadans hjá Óskanda. Sóley Ólafsdóttir starfar einnig sem dansari, danshöfundur, listskautaþjálfari og fjallaleiðsögumaður. Bakgrunnur Sóleyjar kemur aðallega frá þjálfun á listskautum. Sóley stundaði listskauta af miklu kappi til 16 ára aldurs en þá hóf hún nám við Menntaskólann í Reykjavík og einnig nám við framhaldsbraut Jazzballettskóla Báru, JSB. Eftir stúdents- og diplómupróf hóf Sóley háskólanám við samtímadansbraut LHÍ og útskrifaðist þaðan vorið 2022. Sem hluta af námi sínu við LHÍ tók hún skiptinámsönn við dansbrautina í KHiO, listaháskólanum í Osló. Eftir útskrift hefur Sóley sótt sér reynslu erlendis, m.a. sem starfsnemi með dansflokknum í Gautaborgaróperunni og Carte Blanche, alþjóðlega samtímadansflokki Noregs. Sóley vinnur hörðum höndum í sjálfstæðu danssenunni, þar sem hún vinnur í samstarfi við nokkra hópa og tekur þátt í að skapa og koma fram í spennandi og skemmtilegum dans- og dansleikhúsverkum.

...​

Þorbjörg byrjaði að stunda ballett í ballettskóla Sigríðar Ármann. Leiðin lá síðan í Listdansskóla Íslands þar sem hún var í sjö ár og útskrifaðist af grunnskóladeild árið 2018. Henni bauðst síðan þriggja ára skólavist í San Francisco Ballet School. Hún hefur farið á margvísleg sumarnámskeið um ævina líkt og í París, London, Englandi og Bandaríkjunum.