Starfsfólk Dansgarðsins

Andrea Urður hóf balletnám sitt við Balletskóla Sigríðar Ármann þegar hún var fjögurra ára gömul. 9 ára færði hún sig yfir í Listdansskóla Íslands og hefur dansað með FWD Youth Company frá árinu 2017. Andrea byrjaði að kenna ballet árið 2014 í Klifinu sem er skapandi setur fyrir ýmis listnámskeið, þar kenndi hún nemendum á aldrinum 3-7 ára. Sumarið 2016 skipulagði Andrea og stjórnaði skapandi námskeiði fyrir börn á aldrinum 5- 12 ára þar sem lögð var mikil áhersla á skapandi dans ásamt öðrum listgreinum. Haustið 2019 byrjaði Andrea að kenna í forskólanum hjá Ballettskóla Guðbjargar Björgvins, núna Óskandi, og í grunnnáminu hjá Klassíska listdansskólanum. Andrea Urður er einnig nemi í lögfræði við Háskóla Íslands.

Amelia Eisen er frá Nevada City í Kaliforníu og starfar á alþjóðlegum vettvangi milli Reykjavíkur, Þýskalands og Kaliforníu sem sjálfstætt starfandi danslistamaður og ráðgjafi á sem samþættir hreyfingar og heilsu. Hún stundaði nám hjá Alonzo King's LINES Ballet í San Francisco, Kibbutz Contemporary Dance Company í Ísrael og Institute for Integrative Nutrition í New York.

Amelia lítur á dans sem öflugt listform sem getur stuðlað að meðvitaðra og umhyggjusamara samfélagi. Í starfi sínu leggur hún áherslu á að hjálpa fólki að tengjast á dýpri hátt bæði eigin innri rödd og því umhverfi sem það býr í. Bakgrunnur hennar í heildrænni heilsu byggir á tengslum hugar, líkama og anda og því hvernig einstaklingar eiga í samspili við umhverfi sitt.

Undanfarin tíu ár hefur Amelia sýnt eigin dansverk í San Francisco, Ísrael, Þýskalandi og á Íslandi. Sem dansari hefur hún unnið með fjölmörgum danshöfundum og dansflokkum, þar á meðal Leonardo Rodrigues Santos, Catherine Guerin, Michael Bronczkowski, Pascal Sangl, Kirill Berezovski, Miriam Markl, 5elefants Tanzkollektiv, Crystal Schüttler, Green Flamingo Project, Richard Oberscheven, Taulant Shehu, Luis Sayago, ZiRu Dance Company, Kinetech Arts og Project Agora.

Frá árinu 2023 hefur Amelia tekið þátt í fjölmörgum listamannadvölum hjá SÍM Residency og Dansverkstæðinu.

Hún hefur kennt samtímadans, ballett, spuna og skapandi hreyfikönnun fyrir fólk á aldrinum þriggja til níutíu og fimm ára hjá meðal annars Eintanz Haus Mannheim, Tanzplattform Rhein-Main Frankfurt, Tanznetz Freiburg, Dansverkstæðinu, FWD Youth Company, Valkyrju danslistarskóla, Bodies of Empowerment í San Francisco og Nevada Union High School.

Amelia leiðir jafnframt Embodied Transitions-verkefnið, stuðnings- og leiðsagnaráætlun fyrir danslistafólk sem er að stíga sín fyrstu skref inn í atvinnulífið.

Asako stundaði ballettnám í Japan þar sem hún ólst upp. Þaðan lá leiðin til Bandaríkjanna þar sem hún lauk B.F.A. prófi í listdansi árið 1991 frá Shenandoah University í Virginíu. Að loknu námi dansaði hún með Dayton Contemporary Dance Company dansflokknum í Ohio í Bandaríkjunum. 

Asako flutti til Íslands árið 1993 og stofnaði Ballettskóla á Akureyri sem hún rak um sjö ára skeið. Hún hefur kennt einnig á píanó við Tónlistarskóla Eyjafjarðar. 

Eftir hún flutti suður, hefur hún kennt listdans við Listdansskóla Íslands, Listdansskóla Hafnarfjarðar og Óskanda og tónlist og hreyfingu í Leikskóla Fögrubrekku í Kópavogi. 

Vorið 2008 lauk hún kennsluréttindanámi við Kennaraháskóla Íslands og er með framhaldsskólakennararéttindi í listdansi. Vorið 2021, lauk hún meistaranámi í listkennslu við Listaháskóla Íslands.

Auður er danskennari og danshöfundur að mennt. Hún hóf dansnám ung að aldri í klassískum ballett og djassballett. Hún flutti til Íslands 2002 og hóf þá dansnám í Klassíska listdansskólanum. Auður lauk framhaldsbraut Klassíska listdansskólans í nútímadansi 2009. Þaðan fór hún í B.F.A. nám í danssmíði hjá Concordia Háskóla í Montréal í Kanada og síðar lauk hún M.Art.Ed. gráðu í sviðslistakennslu hjá Listaháskóla Íslands. Auður hefur stýrt ýmsum sjálfstæðum verkefnum bæði hérlendis og erlendis. M.a. hélt hún utan um ungmennaskipti styrkt af Erasmus+ fyrir nemendur í Klassíska listdansskólanum þar sem farið var til Portúgal og sett upp sýning í samstarfi við tónlistarskóla þar. Auður elskar dans í öllum sínum birtingarmyndum og hefur einnig lagt stund á loftfimleika, súlufimi og hip hop á síðustu árum.

Ása María útskrifaðist úr listaháskólanum Institute Of The Arts Barcelona 2023 með BA gráðu í dansi en svo lá leiðin til Búdapest þar sem stefnan var sett á sviðslista- og dansnám hjá Sub.Lab.Pro. Þar fékk hún reynslu af fjölbreyttum sviðslistum og vann meðal annars með danshöfundinum Barnaby Booth (UK), Jenna Jalonen (FI) og fleirum.

Eftir árs dvöl í Búdapest, flutti hún heim og tók þátt í alls konar verkefnum eins og PBT tónlistarmyndbandi og söngvakeppni sjónvarpsins. Undanfarið hefur hún verið að dansa í verkefnum með Uppklapp. 

Samhliða danskennsluni er hún annar stofnandi vefsíðunnar Movement Database Iceland. Einnig er hún áhugamyndatakari og tekur af og til dansmyndatökur.

...

Bjartey er dansari, danshöfundur og danskennari. Hún stundaði nám í ballet og

nútímadansi í Klassíska Listdansskólanum frá 4 ára aldri. Eftir útskrift af framhaldsbraut fékk hún hlutverk sem dansari í söngleiknum Fjarskaland sem var settur upp í Þjóðleikhúsinu. Einnig dansaði hún með FWD Youth Company þar sem hún vann með hinum ýmsu danshöfundum. Þaðan lá leið hennar í Listaháskólann á Samtímadansbraut og hún útskrifast þaðan vorið 2021. Meðfram skólanum hóf Bjartey kennara ferilinn en Bjartey hefur 
verið danskennari í 8 ár og kennt börnum og unglingum á öllum aldri. Ásamt því hefur hún unnið sem atvinnudansari og danshöfundur bæði hérlendis og
erlendis. Sem dansari hefur hún hefur meðal annars starfað hjá Íslenska Dansflokknum, Ballet Axis og danska dansleikhús flokknum The Nordic Beasts. Um þessar mundir dansar Bjartey í Söngleiknum Kabarett í Þjóðleikhúskjallaranum.  Sem danshöfundur hefur Bjartey skapað sín eigin verk ásamt því að semja hreyfingar í verkum annara. Hún samdi verk sem heitir VENUS ásamt Önnu Guðrúnu Tómasdóttur en þær hafa sýnt það víða í Reykjavík m.a. í Ásmundarsal en stefna næst á að fara með verkið erlendis. Hún hefur einnig samið sviðshreyfingar í 5 óperu uppfærslum með Sviðslistahópnum Óði og Kammeróperunni og kóreógraferað tónlistarmyndbönd með GDRN og Róshildi. 

...

Diljá hóf ballettnám sitt við Ballettskóla Sigríðar Ármann þegar hún var þriggja ára gömul. Hún lauk námi á framhaldsbraut Klassíska listdansskólans árið 2022 og dansaði eftir það með FWD Youth Company í þrjú ár. Diljá byrjaði að kenna í Dansgarðinum – Óskandi árið 2023 og hefur kennt forskólanum og grunnstigunum ballett, nútímadans og skapandi dans. Hún er einnig umsjónarkennari í Landakotsskóla og kennir þar skapandi dans og íslensku. Diljá elskar að vinna með börnum og þá sérstaklega á skapandi hátt þar sem þau fá að skína. Diljá er með meistaragráðu í ritstjórn og útgáfu og kennsluréttindi frá Háskóla Íslands.

...

Erna er atvinnuballettdansari sem útskrifaðist frá Listdansskóla Íslands 2018 af klassískri dansbraut og hefur starfað út á Bretlandi frá 2019. Samsíða náminu þá lærði hún í Joffrey Ballet í Chicago, Royal Danish Ballet, í Dresden og í San Francisco Ballet School á sumrin. Erna hefur starfað og dansað víða um heim og sýnt á mörgum stöðum meðal annars á Bretlandi, Írlandi, í Japan og á Maldíveyjum. Erna dansaði með Birmingham Royal Ballet 2025 þar sem hún dansaði í Cinderella, Sleeping Beauty og Les Sylphides. Fyrir það þá starfaði hún á tímabundnum samningi hjá English National Ballet. Þar dansaði hún í Royal Albert Hall, fyrst í Christopher Wheeldon´s Cinderella sumarið 2023 og síðar í Swan Lake 2024 en sú sýning var filmuð af BBC og sýnt í bíóhúsum um allan heim. Erna er einnig dansari með Ballet Axis, neóklassískum ballettflokki á Íslandi. Hún dansaði og samdi hluta af verkinu Pointe of Axis en sú sýning vann til Grímuverðlauna fyrir Danshöfundur Ársins 2026. Erna byrjaði ferilinn með störfum hjá Ballet Theatre UK þar sem hún dansaði sólóista og aðaldansara hlutverk. Hún dansaði þar í Wizard of Oz, Beauty & the Beast, Romeo & Juliet, Snow Queen og Giselle. Erna hefur einnig dansað sem sólóisti með Cork City Ballet (Sleeping Beauty og Svanavatnið) og Kings International Ballet (Hnotubrjóturinn og Giselle) 2024 og 2026. Að auki með Mergaliyev Classical Ballet (Swan Lake) og hefur hún tekið þátt í ýmsum sjálfstæðum verkefnum og fyrir ýmsa listamenn allt frá Kanye West, Sigur Rós og Of Monsters and Men. Erna hefur kennt á Íslandi milli samninga erlendis.

Hrefna er atvinnuballettdansari sem starfar mestmegnis á Bretlandi og einnig á Íslandi. Hún hóf dansnám sitt í Bandaríkjunum en útskrifaðist frá Listdansskóla Íslands árið 2018. Hún varði sumrunum hjá San Francisco Ballet School, Joffrey Ballet í Chicago og The Royal Danish Ballet School. Eftir útskrift frá Menntaskólanum Í Reykjavík 2019 tók hún til starfa hjá Ballet Theatre UK. Hún sýndi víða um Bretland meðal annars ‘Romeo & Juliet’, ‘Giselle’, ‘Beauty & The Beast’, Wizard of Oz’ og ’Snow Queen’ frá árunum 2019-2024 sem corps de ballet, soloist og principal. Hrefna vann árið 2025 hjá Birmingham Royal Ballet þar sem hún dansaði í Cinderella, Les Sylphides og Sleeping Beauty. Sýndi hún bæði á Bretlandi og helstu borgum Japans á sýningarferðalagi með flokknum. Hún hefur einnig starfað hjá English National Ballet tvö sumur (2023 & 2024) að dansa í Royal Albert Hall bæði Cinderella eftir Christopher Wheeldon og Swan Lake eftir Derek Deane, sem var filmað af BBC og sýnt í helstu kvikmyndahúsum heims. Hrefna er einnig dansari með Ballet Axis, neóklassískum ballettflokki á Íslandi. Hún var ein danshöfunda fyrir verkið 'Pointe of Axis' sem Ballet Axis setti á svið og hlaut Grímuverðlaunin, fyrir Danshöfundur ársins 2026. Hrefna hefur líka tekið þátt í sjálfstæðum verkefnum og dansað hjá Cork City Ballet (Sleeping Beauty, Swan Lake), Kings International Ballet (Nutcracker, Giselle) og á Maldíveseyjum fyrir m.a. Kanye West. Hefur hún einnig unnið með hljómsveitunum Of Monsters and Men og Sigur Rós við ýmis verkefni. Árið 2023 hlaut hún einnig kennsluréttindi í ‘Progressing Ballet Technique’. 

Inga Maren Rúnarsdóttir er dansari og danshöfundur. Hún hefur unnið hjá Íslenska dansflokknum frá 2011 og með öðrum danshöfundum á Íslandi og erlendis. Hún hlaut BA gráðu frá London Contemporary Dance School, er með kennsluréttindi frá David Zambrano auk þess sem hún er menntaður yoga kennari. Inga Maren sýndi nýlega sólóverkið ÆVI og barnaverkið Dagdrauma.

Inga María kennir nútímadans hjá Óskanda. Hún starfar einnig sem dansari, danshöfundur og flugfreyja. Inga hefur æft ballett frá 4 ára aldri og útskrifaðist bæði frá Klassíska Listdansskólanum og Listdansskóla Íslands. Ásamt því að vera í dansnámi tók hún þátt í uppsetningu Borgarleikhússins á Billy Elliot árin 2014-2016. Inga útskrifast svo árið 2022 með BA í samtímadansi úr Listaháskóla Íslands, með skiptinámi í KHiO í Osló. Eftir útskrift hefur Inga sótt sér reynslu bæði úti og hér heima. Hún fór td. í starfsnám í Gautaborgaróperuna, farið á Hofesh Shechter námskeið og Fighting Monkey Intensive. Inga var einnig valin á námskeið hjá James Wilton í Bretlandi. Hún tók einnig þátt í sýningunni Til hamingju með að vera mannleg eftir Sigríði Soffíu Níelsdóttur, sem sýnd var í Þjóðleikhúsinu, Tjarnarbíó, Menningarfélagi Akureyrar og sendiráðinu í Osló. Ásamt þessu hefur Inga tekið þátt í ýmsum skemmtilegum verkefnum, tónlistarmyndböndum, söngvakeppninni og auglýsingum. Svo hefur hún einnig búið til og sýnt verk sjálf og í samstarfi við aðra.  

Kirill Berezovsk er fæddust í Úkraínu er danshöfundur, dansari og kennari sem ólst upp í Freiburg í Þýskalandi. Hann lauk námi í sviðsdansi og danssmíði í Mannheim árið 2015 og hélt áfram listrænni þróun sinni með námi við Alvin Ailey School og Broadway Dance Center í New York. Auk þess hefur hann sótt vinnustofur hjá Hofesh Shechter Company, Emanuel Gat Dance og Johannes Wieland, auk þess að dvelja í sex mánaða listamannaresidens hjá Kibbutz Contemporary Dance Company í Ísrael.

Sem dansari hefur Kirill unnið með fjölmörgum danshöfundum og dansflokkum víða um heim, þar á meðal Yasmeen Godder Company, Go Plastic Company, Magdalenu Weniger, Edan Gorlicki, Ashley Wright, Carlu Jordao, Barış Karademir, MIRA Dance Company, Richard Oberscheven, Eric Trottier og Max Levy.

Frá árinu 2017 hafa dansverk hans verið sýnd bæði innanlands og á alþjóðlegum vettvangi, meðal annars My Hungry Heart fyrir Fullstop Dance Company í San Francisco og Of Dreams to Come, sem hefur verið sýnt á Tanzfest Freiburg, Tanz-Kulturdialog og Tanz! Heilbronn.

Samhliða eigin danssköpun starfar Kirill sem æfingastjóri, aðstoðardanshöfundur, kennari og leiðbeinandi. Hann hefur átt í samstarfi við fjölmargar stofnanir og dansfélög, þar á meðal Íslenska dansflokkinn, Volkstheater Rostock, Tanz Luzern, K3 – Kampnagel Hamburg, Bad Lemons Munich, Tanznetz Freiburg, Tanzhaus Zürich, Tanzbüro Basel og Bodies of Empowerment í San Francisco.

Verk Kirills einkennast af sterkri líkamlegri nálgun og næmni fyrir tónlist. Í sköpun sinni leitast hann við að skapa jafnvægi milli forms og innsæis, nákvæmni og hráleika, þar sem hreyfing verður vettvangur fyrir samspil líkama, takts og tilfinninga.

Sara Katrín er fædd og uppalin í Reykjavík og byrjaði 5 ára gömul í ballet hjá Eddu Scheving. Seinna færði hún sig yfir í fimleika og æfði þá með fimleikafélagi Gerplu í nokkur ár. Á unglingsaldri snéri hún sér aftur að ballett hjá Klassíska listdansskólanum og útskrifaðist þaðan árið 2011 af nútímabraut. Sara Katrín kennir 3 til 7 ára börnum ballet og samtímadans hjá Klassíska listdansskólanum og hefur gert síðan árið 2014. Einnig kenndi hún samtímadans í leikskólum árið 2018 í gegnum Dansgarðinn. Árið 2015 vann hún hjá Hreyfingu í 2 ár sem hópatímakennari og kenndi þar hópatíma allt frá Zumba yfir í styrktar- og þrektíma. Á svipuðum tíma öðlaðist hún einnig Zumba og Zumba-kids réttindi. Árið 2017 lauk hún B.Sc gráðu í íþróttafræði frá Háskólanum í Reykjavík og starfar nú sem íþrótta- og heilsufræðingur í Heilsuborg. Að auki æfir Sara Katrín Crossfit og langhlaup og stefnir á að hlaupa Laugaveginn 2019 (ofur maraþon - 55 km.) annað árið í röð ásamt því að stefna á burtfarapróf í píanóleik við fyrsta tækifæri.

Sóley Ólafsdóttir kennir nútímadans hjá Óskanda. Sóley Ólafsdóttir starfar einnig sem dansari, danshöfundur, listskautaþjálfari og fjallaleiðsögumaður. Bakgrunnur Sóleyjar kemur aðallega frá þjálfun á listskautum. Sóley stundaði listskauta af miklu kappi til 16 ára aldurs en þá hóf hún nám við Menntaskólann í Reykjavík og einnig nám við framhaldsbraut Jazzballettskóla Báru, JSB. Eftir stúdents- og diplómupróf hóf Sóley háskólanám við samtímadansbraut LHÍ og útskrifaðist þaðan vorið 2022. Sem hluta af námi sínu við LHÍ tók hún skiptinámsönn við dansbrautina í KHiO, listaháskólanum í Osló. Eftir útskrift hefur Sóley sótt sér reynslu erlendis, m.a. sem starfsnemi með dansflokknum í Gautaborgaróperunni og Carte Blanche, alþjóðlega samtímadansflokki Noregs. Sóley vinnur hörðum höndum í sjálfstæðu danssenunni, þar sem hún vinnur í samstarfi við nokkra hópa og tekur þátt í að skapa og koma fram í spennandi og skemmtilegum dans- og dansleikhúsverkum.

Teresa hóf ballettnám aðeins fjögurra ára gömul. Hún stundaði nám við Klassíska listdansskólann bæði á grunnstigi og á framhaldsbraut. Frá árinu 2019 hefur hún kennt í forskólanum og nýtur þess að miðla dansgleðinni til yngstu nemendanna.

Það sem Teresa hefur mest gaman af í kennslunni er að fylgjast með nemendum vaxa í sjálfstrausti og gleði í gegnum dansinn. Hún leggur áherslu á að skapa jákvætt og hvetjandi námsumhverfi þar sem hver nemandi fær tækifæri til að blómstra.

Samhliða dansinum lauk Teresa BS-gráðu í líftækni árið 2026 og starfar einnig sem líftæknir.

Þorbjörg byrjaði að stunda ballett í ballettskóla Sigríðar Ármann. Leiðin lá síðan í Listdansskóla Íslands þar sem hún var í sjö ár og útskrifaðist af grunnskóladeild árið 2018. Henni bauðst síðan þriggja ára skólavist í San Francisco Ballet School. Hún hefur farið á margvísleg sumarnámskeið um ævina líkt og í París, London, Englandi og Bandaríkjunum.