Námsframboð
Skólinn skiptist í kríladans, forskóla , grunnnám og framhaldsbraut. Óskandi leggur áherslu á faglega, þroskandi og uppbyggilega kennslu þar sem hver nemendi fær tækifæri til að þroskast og blómstra. Dansgleði, samvinna, efling líkamslæsis og hæfni til agaðra vinnubragða eru höfð að leiðarljósi.
Kríladans
KRÍLADANS ER FYRIR BÖRN FRÁ 3 MÁNAÐA TIL 3 ÁRA MEÐ FORELDRUM.
Kríladans 1 - 3 er hreyfisamverustundir fyrir börn og foreldra þar sem áhersla er lögð á að hafa gaman saman og dansa, syngja og leika í hlýju, jákvæðu og notalegu umhverfi í hópi með öðrum.
Kríladans skiptist í þrjú námskeið:
Kríladans 1 fyrir börn frá 2 mán til skríða
Kríladans 2 fyrir börn sem skríða til ganga
Kríladans 3 fyrir börn sem ganga til 3 ára.
Forskóli
FORSKÓLINN ER FYRIR NEMENDUR 3 ÁRA TIL 8 ÁRA OG ER UNDIRBÚNINGUR FYRIR GRUNNNÁM.
Forskólinn er opinn öllum og miðast aldur við fæðingarár. Markmiðið er að þroska og örva hreyfigreind, líkamsvitund og félagsþroska.
Aðal áherslan er að kynna klassískan ballet og skapandi dans fyrir nemendum og leggja grunninn að frekara dansnámi.
Grunnnám í listdansi
GRUNNNÁMIÐ, FRAMHALD AF FORSKÓLANUM, ER FYRIR NEMENDUR
9 ÁRA TIL 15 ÁRA OG ER UNDIRBÚNINGUR FYRIR FRAMHALDSBRAUT.
Áherslan er á faglega, þroskandi og uppbyggilega kennslu þar sem hver nemandi fær tækifæri til að þroskast og blómstra.
Við kennslu er stuðst við aðalnámskrá. Grunnnámið samanstendur af klassískum ballet, nútímalistdansi, samtímadansi, spuna, táskótækni og sögulegum dansverkum auk þess sem nemendur taka þátt í ýmsum sýningum og eru kynnt fyrir nýjum straumum og stefnum og þróun listdansins.
Framhaldsbraut í listdansi
FRAMHALDSBRAUT, FRAMHALD AF GRUNNNÁMI, ER FYRIR NEMENDUR
Á FRAMHALDSSKÓLASTIG FRÁ 16 ÁRA.
Óskandi stefnir á að bjóða upp á framhaldsbraut í listdansi skólaveturinn 2025 - 2026. Námið er þriggja ára dansnám á menntaskólastigi og skiptist í tvær brautir, klassíska listdansbraut og nútímalistdansbraut. Námið undirbýr nemendur fyrir framhaldsnám á háskólastigi og atvinnumennsku í listdansi. Kennt er samkvæmt námsbrautalýsingum listdansbrautar MH.
Inntökupróf fyrir framhaldsbraut í listdansi er 14. ágúst kl. 17:00. Hvetjum áhugasama til að skrá sig í inntökuprófið. Skráning er í gegnum netfangið oskandi@oskandi.is.
